• Ana González Rodríguez, alcaldesa de Xixón, en TVE L’alcaldesa de Xixón

    https://psoegijon.es/ana-gonzalez-rodriguez-alcaldesa-de-xixon-en-tve-lalcaldesa-de-xixon/?lang=ast

    Ana González Rodríguez, quixo faer fincapié nel fechu de que la decisión de nun sacar la concesión para entamar la feria taurina de Begoña nun supon la prohibición de les corríes de toros na ciudá, “pero decidimos utilizar la plaza de toros para otres coses”. Tamién remarcó que “el branu xixonés nun lu han salváu trés corríes de toros”.

    N’una intervención nel programa de la mañana de TVE, la rexidora quixo recodar que sí qu’hubo ocasiones nes que se camudó’l nome de los toros por ser desavenientes o para obedecer a ciertos intereses. Ye’l casu de “Comunista” el toru col que Manolete tomó l’alternativa en 1939 que pasó a llamase “Mirador” para evitar conflictos cola Guerra Civil como contestu.

    González tamién se refirió a qu’en Xixón cruciáronse delles llínees coloraes cuando s’escoyeron los nomes de “Feminista” y “Nigeriano”, sicasí, la mesma ciudá tamién evolucionó y anguaño les voces en contra de les corríes superen a los adeptos. “Decidí que nun tenía nengún sentíu siguir con una fiesta bien aldericada na nuesa ciudá”, aseveró. Amás, quixo dexar claro que la plaza de toros ye un equipamientu municipal, polo que’l Conceyu decide los usos que va tener y el contratu acabó y nun ta vixente”.

    González aseguró que “los tiempos y les sensibilidaes camuden, el mundu avanza y tamos nel sieglu XXI”, indicó, para resaltar que la decisión de nun anovar la concesión yá taba decidida y recordó que yá taba recoyida nos resolvimientos aprobaos nel Congresu de la FSA-PSOE.

    Share

Comments are closed.