Skip to content
Portada » Noticies » Ábrese la convocatoria de subvenciones para les fiestes en barrios y parroquies de Xixón

Ábrese la convocatoria de subvenciones para les fiestes en barrios y parroquies de Xixón

La Xunta de Gobiernu local celebrada esti martes aprobó la convocatoria de les subvenciones empobinaes al desenvolvimientu de fiestes nos barrios y parroquies de la ciudá. Tal que esplicó en rueda de prensa la concejala de Facienda, Organización Municipal y Personal, Marina Pineda, dempués de dos años ensin esti tipu de fiestes la previsión ye que yá vuelvan celebrase.

Nesti sentíu, la convocatoria de les subvenciones tien por oxetu:

  • La concesión d’ayudes económiques a les Asociaciones Vecinales y Entidaes ensin ánimu d’arriquecimientu, constituyíes como tales para’l desenvolvimientu de FIESTES en Barrios y Parroquies, que’l so ámbitu d’actuación sía’l Conceyu de Xixón.
  • Favorecer la promoción, caltenimientu, respetu y protección de les manifestaciones festives locales y les de la cultura popular tradicional, que’l so principal esponente mora nes tradicionales «fiestes de prau» de les parroquies rurales.
  • Impulsar aquelles otres fiestes que se programen nos distintos barrios urbanos o periurbanos o de nueva creación y que contengan programes que potencien non solo l’interés turísticu de la ciudá polo xeneral, sinón la mesma caltenimientu de les tradiciones festives locales.
  • Que les ayudes puedan contribuyir al sostenimientu de les posibles mayores cargues económiques que’l llogru de les autorizaciones pertinentes para la celebración de les Fiestes pudieren xenerar a les entidaes organizadores.»

L’alcuerdu aprobáu dota a esta convocatoria con un importe máximu d’hasta 100.000€, teniendo en cuenta que l’importe por entidá nun va poder superar los 4.000€.

Leave a Reply

Your email address will not be published.

Share This
X