El Teatru Xovellanos allugó l’actu d’entrega de los honores y distinciones de la ciudá. Medaya d’oru par el Centru d’Educación de Persones Adultes (CEPA) que cumple 40 años de trabayu na recuperación d’oportunidaes. Ente los sos méritos, destácase’l trabayu na educación de muyeres y, nos últimos años, l’acoyimientu de persones inmigrantes.
Per otru llau, les medayes de plata, fueron pa la compañía de Teatru Quiquilimón, la Fundación ALPE Acondroplasia y Felisa Soria Caru.
Xuna ceremonia bien emotiva pa tolos galardonaos que como dixo l’alcaldesa, Ana González Rodríguez, «representen lo meyor d’esta ciudá».
La rexidora aseguró que estel actu d’entrega de les Medayes de la Villa ye la ceremonia na que el xixoneses y xixoneses, por alcuerdu de los sos representantes municipales democráticamente escoyíos, ponen n’escena la reconocencia d’aquelles persones y entidaes que meyor representen les conductes, actitúes, valores y aportaciones que queremos que nos definan ya identifíquennos como ciudá.
La nuesa reconocencia de güei significa que los honramos y rindímos-yos homenaxe, pero tamién que reconocemos y queremos reconocenos nelles, nellos. Lo más pervalible de los sos méritos ye que llegaron a encarnar la solidaridá, la empatía, la capacidá d’apurrir al bien común, la entrega a los sos trabayos y a les sos idees l’esfotu, la coherencia, y el compromisu diariu a lo llargo d’años y de décades.