• Educación va faer una evaluación de los centros educativos que precisen obres de meyora

    https://psoegijon.es/educacion-va-faer-una-evaluacion-de-los-centros-educativos-que-precisen-obres-de-meyora/?lang=ast

    XIXÓN, 19 (EUROPA PRESS)

    La conseyera d’Educación del Principáu d’Asturies, Carmen Suárez, comprometióse esti martes col CONCEYU DE XIXÓN a visitar aquellos centros educativos nos que se detectaron defectos de cara a planiar les obres de meyora precises.

    Asina-y lo treslladó al conceyal d’Educación y Cultura de Xixón, Alberto Ferrao, con quien caltuvo una xunta telemática para encetar temes d’interés común, según una nota del Principáu. La conseyera esplicó que l’alcuentru centróse nel analís del estáu de los centros educativos de Primaria del conceyu.

    Nesti sentíu, dambes partes decidieron que los equipos técnicos de la Conseyería y del Conceyu visiten aquellos colexos nos que se detectaron defectos para concretar les intervenciones necesaries. “Va Haber que determinar si esos defectos son de caltenimientu o estructurales y si, por tanto, correspuénden-y al Conceyu o al Gobiernu d’Asturies”, apuntó Suárez.

    Una vegada ellaborárense los informes técnicos, les dos alministraciones volverán axuntase para ellaborar un calendariu que va dar prioridá a les obres más urxentes. Mientres la xunta tamién se repasaron les partíes incluyíes nos presupuestos rexonales d’anguaño, en materia educativo, para Xixón.

    “El colexu de Nuevu Roces ye unu de los aspeutos más importantes, que va suponer un importante esfuerzu para l’Alministración rexonal. Nes cuentes de 2021 acutemos más de 200.000 euros para empecipiar los trámites de la construcción”, indicó Suárez. Amás, nel alcuentru tamién se trató sobre’l futuru Centru d’Innovación de FP y obres d’arreglu en centros de Secundaria.

    Share

Comments are closed.