• El Conceyu abre l’unu de xunu’l Palaciu de Deportes y el pabellón d’El Llano-Contrueces

    https://psoegijon.es/el-conceyu-abre-lunu-de-xunul-palaciu-de-deportes-y-el-pabellon-del-llano-contrueces/?lang=ast

    30 May. (EUROPA PESS) –

    El Conceyu de Xixón va abrir esti llunes, 1 de xunu, el Palaciu de Deportes y el pabellón del Complexu Deportivu d’El Llano-Contrueces para la práctica de deporte individual con reserva previa y un aforu llindáu del 30 per cientu.

    Asina lo anunció esti sábadu’l conceyal d’Actividá Física y Deporte, Ramón Tuero, na rueda de prensa celebrada de forma telemática, na que tamién informó de l’apertura de la Sala de Tiru con Arcu de La Camocha y de La Casa del Deporte d’El Llano.

    Amás, Ramón Tuero esplicó, como parte del procesu de desescalada gradual del Patronatu Deportivu Municipal y siguiendo los protocolos establecíos pola Real Federación Española d’Atletismu, l’aumentu d’aforu de les pistes d’atletismu del Complexu Deportivu de Les Mestes de 25 a 50 atletes con 45 places para clubes de la ciudá y cinco places llibres.

    Coles mesmes, a partir del llunes, los non abonaos van poder xugar al golf nos campos municipales, ampliándose’l plazu de reserves antemanaes (namá vía Internet) a siete díes y l’horariu de xuegu dende les 08:30 de la mañana hasta les 20:30 de la tarde. La capacidá d’aforu de los puestos de cancha de práctiques va amontar del 50% al 75%.

    Per otru llau, la enseñanza nesta disciplina podrá impartise en clases d’hasta 8 persones. En cuanto al Croquet, disponible nel Campu de Golf de La Llorea, autorícense los partíos dobles yá que se practica al campu y amplíase l’horariu de xuegu dende les 09:00 hores hasta les 20:30 hores.

    Share

Comments are closed.