• El PSOE votará en contra de la modificación de los estatutos de empresas municipales

    https://psoegijon.es/el-psoe-votara-en-contra-de-la-modificacion-de-los-estatutos-de-empresas-municipales/?lang=ast
    • “Nun vamos sofitar la esistencia de sobresueldos”, señala’l conceyal socialista César González en relación a la previsión de que tolos conseyeros perciban retribuciones
    • Esisten dos sentencies qu’aseguren “la non obligatoriedá a cobrar dietes por ser miembru d’un Conseyu d’Alministración”

    El conceyal socialista César González compareció esta mañana en rueda de prensa pa falar de la propuesta de cambéu nos estatutos de les Empreses Municipales que se tán llevando a los sos conseyos d’alministración. Amás de que’l conceyal socialista considera que “esti cambéu pudo facese anantes o cuando yá tea conformada la nueva corporación”, lo que más llamó l’atención foi la incorporación d’una coletilla qu’afecta a les retribuciones de los miembros del Conseyu d’Alministración. El conceyal asegura que tala previsión nun apaecía nos estatutos anteriores y nun hai nengún preceptu llegal qu’obligue a incluyila.

    Dicha amestadura diz lliteralmente “El cargu d’alministrador ye retribuyíu. Los y les Conseyeros/es, Secretariu/a y Vicesecretario/es van percibir namás dietes por asistencia, na cuantía qu’afite la Xunta Xeneral” lo que según González ye una maniobra del Gobiernu de Foru pa volver cobrar dietes con independencia de si yá se recibe o non una retribución como conceyala.

    El conceyal socialista asegura que, dende’l Grupu Municipal Socialista, “nun se va sofitar que se cobre dos vegaes por realizar un mesmu trabayu”. González asegura que los llabores lleven alantre nos Conseyos d’Alministración de les Empreses Municipales ta “íntimamente rellacionada col nuesu cargu de conceyal y, poro, vamos votar en contra de la esistencia de sobresueldos”.

    También quixo remembrar que nel mandatu anterior, los conceyales de FORO llevaron un sobresueldu de 55 mil euros en dietes por asistencia a los conseyos y que, a propuesta del Grupu Socialista, el Plenu Municipal aprebó un alcuerdu pa que los conceyales lliberaos nun cobren estes dietes y evitar que esista esi sobresueldu.

    L’equipu de Gobiernu de Foro nun ye que nun aceptara esi cambiu sinón que llevó l’asuntu les dietes de los conceyales a los tribunales. González recordó qu’agora esisten dos sentencies del Xulgáu Contenciosu Alministrativu, ratificada pol Tribunal Superior de Xusticia d’Asturies, y del Xulgáu Mercantil, qu’afirmen que “nun hai obligación de cobru de dietes per parte de los miembros del Conseyu d’Alministración”.

     

    Share

Comments are closed.