16 socorristes van velar dende’l sábadu 30 de mayu pola seguridá de los bañistas nes sableres del conceyu
Dende’lConsistoriu apelen a la responsabilidá ciudadana para caltener les midíes de seguridá nos arenales
El Conceyu de Xixón decidió adelantrar trés díes l’entamu del serviciu de socorristes de les sableres urbanes de la ciudá. L’horariu va ser el mesmu de tolos años: de diez de la mañana a nueve de la nueche na sablera de San Llorienzo y de dolce del mediudía a ocho de la tarde nes de Poniente y El Arbeyal.
Sicasí, la plataforma diseñada para la repartida d’espacios nos arenales nun va tar entá operativa, anque se preve que funcione a partir del día 8 de xunu. Ye por ello, que gobiernu local apela a la responsabilidá de la ciudadanía por que caltenga les distancies de seguridá correspondientes.
La separación de dos metros ye’l principal problema. El Conceyu peracaba xuna plataforma informática creada por CTIC que va distribuyir los arenales en parceles. Tamién se van habilitar zones reservaes d’entrái y salida a los arenales y pasiellos para dir hasta l’agua a dase un bañu. L’aforu por tanto va ser llindáu y va haber un equipu de controladores d’accesu que va regular los movimientos y estancia de los usuarios nes sableres urbanes. Van Ser trabayadores de l’Agrupación de Sociedaes Asturianes de Trabayu Asociáu y Economía Social (Asata) –la empresa que xestiona’l serviciu de Seles- quien regule eses entraes y salíes. Tamién va haber mensaxes per megafonía recordando les normes y cartelos informativos.