• Les Escueles Taller del Conceyu reinicien la so actividá

    https://psoegijon.es/les-escueles-taller-del-conceyu-reinicien-la-so-activida/?lang=ast

    Les Escueles Taller del Conceyu de Xixón retomen la formación teórico y práctico presencial y reinicien la execución de les obres paralizaes tres el decretu d’estáu d’alarma.

    Les alumnes y alumnos de la escuela taller ‘Dos tales verdes’ van siguir cola rehabilitación d’una vivienda social allugada na cai Alonso Quintanilla para afaela a la normativa d’accesibilidá universal. Amás, van siguir trabayando na ampliación del Monte Mistu del Xardín Botánicu Atlánticu.

    Tocantes a ‘Servicios a la Comunidá’, les persones del módulu de servicios d’oficina yá se tán reincorporando a los centros municipales de L’Arena, El Llanu, Xixón Sur, La Calzada y El Cotu. Tamién al Muséu del Pueblu d’Asturies y al del Ferrocarril, onde van llevar a cabo tarea de grabación de datos, digitalización de material museístico y arquivu de documentos.

    L’alumnáu de Turismu ta volviendo trabayar nos departamentos d’Artes Escéniques y Esposiciones de la Fundación Municipal de Cultura Educación y Universidá Popular, Parque Arqueolóxicu Natural de la Campa y Faro Torres, Infoxixón y Muséu Arqueolóxicu de les Termes Romanes de Campo Valdés.

    Coles mesmes, retomóse’l trabayu del programa de página Web en coordinación col Serviciu d’Informática del Conceyu.

    Pela so parte, les y los mozos del módulu d’Atención Sociosanitaria van siguir realizando les sos funciones nos centros onde desenvolvíen la so actividá, esto ye, na Fundación SILOÉ (Programa INNUIT – Programa JAIPUR), na Fundación Iniciatives para la Discapacidá (COCEMFE), el Sanatoriu Marítimu de Xixón, l’asociación para la integración de persones con discapacidá Una ciudá para toos, Vegapresas, ASPACE-Residencia Emilio Meneses y la Residencia de Tercer Edá Cimadevilla. Primeramente, va realizáse-yos una prueba PCR para garantizar la seguridá de quien vaigan ser atendíos.

    Les Escueles Taller son proyectos promovidos pol Conceyu de Xixón y subvencionaos pol Serviciu Públicu d’Empléu del Principáu d’Asturies que, amás de cumplir unu llabor pedagóxicu en distintos oficios, desenvuelven trabayos d’interés xeneral para la sociedá.

     

    Share

Comments are closed.