• Unes 15.000 viviendes que se consideren vacíes podríen solliviar los precios de mercáu si se ponen n’arriendu

    https://psoegijon.es/unes-15-000-viviendes-que-se-consideren-vacies-podrien-solliviar-los-precios-de-mercau-si-se-ponen-narriendu/?lang=ast

    El preciu actual, los más caros n’Asturies, aumenten el riesgu d’esclusión residencial
    XIXÓN, 25 (EUROPA PRESS)

    Xixón rexistra unes 15.000 viviendes que pueden considerase vacíes o infrautilizadas, que si se punxeren n’arriendu, siquier una parte, podría contribuyir a rebaxar los precios del mercáu inmobiliariu.
    Asina s’esprende d’un Estudiu de la Vivienda Vacida y n’Arriendu, que foi presentáu esti llunes nel Consistoriu xixonés pola concejala de Derechos y Bienestar Social del CONCEYU DE XIXÓN, Natalia González, y el coordinador del estudiu, José Pablo Calleja, de la Universidá d’Uviéu.
    González resaltó que se trata d’un estudiu, encargáu pol Conceyu xixonés, que se fai, al so xuiciu, nel momentu fayadizu”, al coincidir cola tramitación de la futura Llei de Vivienda.
    Va Ser amás una base para implementar nueves midíes, dientro de les competencies municipales, magar respondió, sobro un posible recargu nel IBI a les viviendes vacíes, qu’obedez a una cuestión llegal.
    Al tiempu, destacó que Emvisa lleva tiempu trabayando “duramente” nel aumentu del parque de vivienda o con programes como ‘Xixón Arrienda’, según con otres midíes que favorecen l’accesu a la vivienda, cuntando pa ello coles entidaes sociales.
    Tamién ta, ente les midíes, l’alquisición de viviendes o la habilitación de locales como viviendes. Sobro esto, indicó que ta en llicitación la compra de cuatro viviendes y quier siguise nesa llínea en 2022. A esto sumó que se ta faciendo xuna redistribución de les viviendes esistentes, para amoldarlas a les característiques de los inquilinos, como pueda ser nel casu de mayores que sían más accesibles.
    Calleja, pel so llau, esplicó que pal estudiu tomaron d’amuesa 600 pisos (80 % averáu de la ufierta n’arriendu de Xixón) y un cuestionariu a axentes inmobiliarios de la ciudá y tamién entevistes a profesionales d’intervención social.
    Tomóse, amás, de referencia pa saber si les viviendes tán vacíes, los consumos eléctricos. Tamién se fixo un analís comparativu de les midíes municipales en materia de vivienda con otres ciudaes de similar tamañu. Ente les faltes, ta’l que n’Asturies nun hai definición de vivienda vacida. Coles mesmes, señaló que los precios del arriendu son “elevaos”, siendo Xixón la ciudá más cara n’Asturies, con un preciu mediu de 576 euros al mes y el más repitíu 550 euros. El más baratu ye de 350 euros mensuales.
    L’estudiu tamién reflexa que la zona Centro y el Sable son los que tienen pisos más pequenos respectu al tamañu mediu, magar la mayoría son amoblaos, tienen ascensor y dos habitaciones.
    Sicasí, na zona Centro y Este l’arriendu supera los 600 euros mensuales, cantidá que se rebaxa a 500 euros na Zona Oeste y los más alloñaos del Centru.
    Per otru llau, apuntó que los propietarios de viviendes vacíes opten más por vendeles primero qu’arrendales, por cuenta de los mieos a impagos y estroces.
    Sicasí, Calleja incidió en qu’hai xuna percepción del riesgu mayor a la realidá, yá que nun se dan tantos casos d’impagos. Eso sí, por cuenta de esa percepción piden más garantíes y saquen dacuando la vivienda a arriendu a un preciu más caru.
    Tocantes a les entrevistes a profesionales d’intervención social, apuntó qu’estos se quexen de que nun hai coordinación colos xulgaos nos casos de desahucios, ya inclusive sollerten de qu’esta seronda va haber un aumentu de desahucios cuando acaben les moratorias llegales.
    Al respective de les viviendes vacíes, llamó l’atención sobro qu’un 24 per cientu nun tien a naide empadronáu, xunas 32.000, que nun quier dicir que nun viva naide, según él. Señaló, amás, que nun atoparon situación de hacinamiento en viviendes, sacantes cuatro casos, lo que nun quier dicir que nun esista.
    Coles mesmes, indicó qu’el 85 per cientu de les viviendes (108.000) que tienen dalguna persona empadronada declárense como residencial habitual, y de estes 18 per cientu declaren a Facienda que tán arrendaes.
    Pela contra, nel 65,5 per cientu de les viviendes onde nun hai naide empadronáu, declárense como residencia habitual, tando arrendaes un 23,8 per cientu.
    Teniendo en cuenta los consumos eléctricos, si se mira’l percentil 5, consumu menor a 122kw/hora al añu, falaríamos d’unes 7.000 viviendes vacíes o infrautilizadas, y con un consumu daqué mayor, pero entá asina baxu, 15.000.
    Sobro los grandes tenedores de vivienda (más de 10 inmuebles), correspuenden sobremanera a la zona Centro y son sociedaes anónimes, polo xeneral. En y casu de grandes propietarios particulares, tienen menos viviendes y tán más partíes (19 el que más).
    Referente a les conclusiones, sollertar de que la situación fai qu’aumente’l riesgu d’esclusión residencial por non poder optar a una vivienda.
    Tamién se ve importante implementar otres acciones o midíes, como controlar la esguilada de precios del arriendu, reforzar garantíes s los propietarios, movilizar vivienda vacida con incentivos y gravámenes, faer un rexistru públicu de contratos y fiances y tamién de morosos.
    A esto súmase’l faer un rexistru de vivienda vacida que sía obligatoriu apuntase a grandes tenedores –sociedaes anónimes y llindaes–, sofitar la paralización de desahucios pa xente de papu sanu ya incentivar la dación en pagu, y faer intervención social nos casos que se precise.

    Share

Comments are closed.