• Xixón entra a partir del domingu 24 de xineru en Nivel d’alerta 4+

    https://psoegijon.es/xixon-entra-a-partir-del-domingu-24-de-xineru-en-nivel-dalerta-4/?lang=ast

    Ana González: Les restricciones son dures pero son para curiar a los mayores

    Xixón, 21 ene (EFE).- L’alcaldesa de Xixón, Ana González, reconoció esti xueves que les restricciones que trai tar nel nivel de riesgu estremo por covid-19 y a les que se va enfrentar Xixón dende’l domingu son “dures”, pero les necesaries para curiar a les persones mayores.

    “Sé que ye duru pero tenemos que pensar que les persones mayores curiáronnos siempres y agora tócanos devolve-yos col cuidu y ese curiáu significa estes restricciones”, afirmó la rexidora en recibiendo la llamada de la Conseyería de Salú avisando de que Xixón entra en fase 4 y por tantu va tar zarrada perimetralmente mientres 14 díes.
    L’alcaldesa afirmó que Xixón va faer lo que tien que faer pa curiar a los sos mayores y dixo esperar qu’en catorce díes pueda ameyorase la situación.
    La entrada nel nivel de riesgu estremo tamién supon el zarru del interior de los locales d’hostelería, que namá van poder sirvir en terraza, asina de los centros comerciales.
    Amás, l’aforu de los comercios de más de 300 metros queda llindáu al 20 per cientu y suspéndese l’actividá física nel interior de los ximnasios.
    Igualmente, queden llindaes les xuntes a cuatro persones y los alcuentros en cases namá van poder ser entre convivientes, según el decretu que nun impon restricciones adicionales.

    Share

Comments are closed.