L’ALCALDESA DE XIXÓN, la socialista Ana González, fixo un llamamientu a la mocedá de la ciudá por que se implique na definición medioambiental de la ciudá. “Tenemos que construyir Xixón para los próximos 20 ó 30 años y nun podemos prescindir de la mocedá”, dixo.
González, que participó nos 38º Alcuentros Internacionales de la Mocedá de Cabueñes 2020, dixo que los mozos han de ser l’ariete” que sirva para “remover conciencies” en materia medioambiental.
“Una señora como yo, de 57 años, non puede dicilu a la xente de 15 años cómo tien que ser Xixón; van teneme que dicir ellos a mi cómo tien que ser”, añedió González.
Tamién aseguró qu’esti ye “un momentu complicáu” nel que ye necesariu baxar l’índiz d’andaes, y manifestó que l’equipu de gobiernu ta a la espera de les decisiones qu’adopte la Conseyería de Salú del Principáu d’Asturies, que “ye la que marca les pautes”.
Informó de que’l próximu martes va axuntase la comisión de siguimientu pa evaluar la situación y va tar sollerte a ver si hai que tomar otres midíes”. L’alcaldesa dixo que los parques de la ciudá van ser “lo último que se cierre” porque “l’andada ye menor al campu” y destacó amás que la covid-19 camudó les prioridaes del Conceyu de Xixón.