XIXÓN, 7 (EUROPA PRESS)
El CONCEYU DE XIXÓN remató l’enanche y la pavimentación del Camín del Golf, allugáu na parroquia de Castiellu Castiello Bernueces.
Según una nota de prensa del Consistoriu xixonés, esta vía, xuntu al Camín del Cotarón, forma una exa que comunica’l barriu de San Miguel col núcleu urbanu, dando serviciu a una zona llargamente edificada.
Los trabayos d’adecuación consistieron nel sanio de blandones y enanches, asfaltáu y señalización de la calzada. Coles mesmes, construyóse una rede de drenaxe d’agües superficiales, formada por cunetes, arqueta y tubu so la calzada.
En total, l’actuación entendió 3.279,34 metros cuadraos de tremáu asfálticu y 354 metros de cunetes nun camín bien deterioráu, que riquía de continuos llabores de bacheo.
La obra, que forma parte del contratu para la reposición de dellos caminos del conceyu, executóse en 4 meses con un presupuestu de llicitación de 58.211,18 euros.