El Conceyu de Xixón, al traviés de la Fundación Municipal de Servicios Sociales, abrió’l plazu para solicitar l’ayuda al pagu de les factures de lluz, gas o otros combustibles, correspondientes al añu 2021
La solicitú puede realizase al traviés de la app Xixón del Conceyu (ayudes y subvenciones) o de la páxina web en https://sedelectronica.gijon.es/ hasta’l 19 de xunetu.
Tamién s’abrió un serviciu d’atención presencial para les persones que precisen asistencia a la de solicitar la prestación. Nesta modalidá ye necesariu pidir cita previa nel teléfonu 985 18 11 05 o en www.gijon.es/es/tramites/cita-previa .
La cantidá máxima a pagar ye de 420 euros al añu, por vivienda, que se va abonar nun solu pagu. L’importe de l’ayuda va ser calculáu conforme al consumu, nun pudiendo entepasar, en nengún casu, al importe del gastu xustificáu en 2021. A quien recibieren xuna ayuda d’emerxencia de la Fundación mientres el períodu que toma esta convocatoria, va descontáse-yos del importe d’esta ayuda.