La Secretaría d’Educación y Cultura de l’Agrupación Municipal Socialista de Xixón entamó esta selmana una xunta del Grupu de Trabayu d’Educación, dirixíu a militantes y simpatizantes, para falar de les principales temes trataes na xunta entamada pel área d’educación de la FSA-PSOE’l pasáu 3 de febreru, y na que participó la conseyera d’Educación del Gobiernu del Principáu d’Asturies, Carmen Suárez.
Foi un grupu de trabayu dinámicu nel que los sos venti participantes apurrieron les sos opiniones sobro la derogación de la LOMCE y entrada a valir de la LOMLOE, sobro la xestión n’educación, y sobro la situación del profesoráu y centros educativos énte les midíes adoptaes n’Asturies frente a la COVID-19.
Siguiendo los encamientos sanitarios la xunta tuvo llugar en formatu online.