Dientro de l’actividá selmanal del PSOE de Xixón, el pasáu miércoles 30 de xunu entamó un nuevu Grupu de Trabayu de Memoria Democrática, nel que participaron venti persones en formatu presencial y telemáticu.
Alberto Ferrao, secretariu de Memoria Histórica foi l’encargáu de comentar les últimes novedaes con respectu al programa de les IV Xornaes “Xixón, una Ciudá con Memoria” que se van entamar nel mes d’ochobre, lo mesmo que de otres actividaes que van tener llugar para próximes feches. Aprovechó la ocasión para recoyer nueves ya interesantes propuestes que surdieron mientres l’alcuentru.