El llunes 21 d’avientu tuvo llugar la xunta telemática de la Comisión Executiva de l’Agrupación Municipal Socialista de Xixón, calteniendo’l so compromisu de siguir trabayando magar la situación creada pola COVID-19.
Cola tema de la situación política xeneral como orde del día, Iván Fernández Ardura, secretariu xeneral, fixo una repasada por aquelles temes d’interés del gobiernu d’España, rexonal y a nivel local.
Empezó destacando que, a pesar de la difícil situación a la que s’enfrenta’l Gobiernu de Pedro Sánchez por cuenta de la crisis sanitaria producida pola pandemia, consiguió l’aprobación de los Presupuestos Xenerales del Estáu nel Congresu de los Diputaos, gracies al Gobiernu de coalición y al sofitu d’otres fuerces polítiques. Tratar d’un presupuestu que ye un bon puntu de partida para’l próximu añu yá que supon una fuerte inversión que va ayudar a desaniciar les consecuencies derivaes de la crisis económico y social, y de la que nos beneficiaremos n’Asturies.
Ardura manifestó l’arguyu como partíu, yá que una vegada más les y los socialistes faemos hestoria al consiguir l’aprobación de la Llei d’Eutanasia. Ye una nueva meyora na democracia nel que xugó un papel esencial nuesa compañera Mª Luisa Carcedo, escontra quien manifestó les más sinceres felicitaciones.
La situación sanitaria empioró n’España. Nel momentu que se relaxen les midíes, los datos vuelven empiorar. El papel de les Comunidaes Autónomes y les decisiones que tán tomando nel desenvolvimientu de les sos competencies para la xestión de la crisis sanitaria ye esencial para’l control de la situación.
Al respective de Asturies, la incidencia de la COVID-19 ta baxando. Munches de les midíes adoptaes pol Gobiernu del Principáu fueron impopulares ente determinaos sectores, pero necesaries pa frenar la incidencia.
Otra tema importante ye’l procesu de tramitación na Xunta de los Presupuestos Xenerales del Principáu d’Asturies. Anque ye presupuestu esencialmente d’esquierdes, ta consiguiendo’l sofitu d’otres fuerces polítiques.
A nivel local, valoró’l papel relevante d’Ana González, alcaldesa de Xixón, nel Alderique del Estáu del Conceyu. El discursu de l’alcaldesa recoyó la defensa del llabor de la corporación municipal nel Conceyu desque se recuperó’l gobiernu de la ciudá. Xuna xestión que, a pesar de tar enzancada pola crisis sanitaria, caltien les llínees del compromisu cola ciudadanía.
Yá dientro de l’actividá propia de l’Agrupación siguiéronse programando xuntes de los grupos de trabayu, recuperando’l formatu mistu, telemáticu y presencial con llimitación a 10 persones.