El pasáu xueves 10 d’avientu de 2020, la secretaría de Movimientos Sociales de l’Agrupación Municipal Socialista de Xixón programó una xunta telemática del grupu de trabayu con motivu del Día Internacional de los Derechos Humanos.
Ana Sariego, secretaria d’esta área na Agrupación, empecipió la sesión falando del compromisu del Gobiernu d’España para la protección de los derechos humanos, promoviendo esti enfoque en toles iniciatives, acciones y polítiques nel ámbitu internacional, para contribuyir d’esta manera a un mundu más llibre y xustu.
Fernando Menéndez, coordinador del Grupu de Trabayu, faló de l’Axenda 2030 que ye una iniciativa que tien como oxetivu erradicar la probeza estrema y la fame combatir la desigualdá y el cambéu climáticu, asegurar la igualdá de xéneru y los derechos humanos de les muyeres y garantizar l’accesu universal a servicios de salú y educación calidable. N’España hai un plan d’acción para la so implementación que se denomina Estratexa Española para’l Desenvolvimientu Sostenible y na que les corporaciones locales configúrense claves para la so implementación.
Natalia González, concejala de Bienestar Social y Derechos del Conceyu de Xixón, centró la so intervención en faer una repasada de les principales actuaciones llevaes a cabu pola Fundación de Servicios Sociales dende l’entamu de la pandemia y que punxo n’evidencia la necesidá de la reconstrucción del sistema de servicios sociales para’l 2021. La emerxencia sanitaria punxo en relieve que les persones que yá taben n’una situación de mayor vulnerabilidá fueron les primeres en sufrir les consecuencies de la COVID-19, empiorando entá más la so situación. Munches d’estes persones subsistíen col sofitu d’una economía informal, pero nel momentu qu’esta falló mientres l’estáu d’alarma, atopáronse que nun podíen faer frente a la so día ente día.
Dende’l primer momentu, la Fundación de Servicios Sociales dio cobertoria de primeres necesidaes d’alimentación ya hixene abargana de 400 families, teniendo que flexibilizar al máximu la tramitación por que les ayudes llegaren lo antes posible a les persones que les precisaben. Anguaño hai comprometíes ayudes de más de 3.600.000 €. Destacó’l gran llabor de les UTS, d’atención directa, como imprescindible na xestión de les ayudes.
Una de les primeres midíes adoptaes foi buscar una solución a les beques de comedor nun momentu de zarru de los colexos, al traviés de beques directes. La coordinación con entidaes del tercer sector foi esencial para facilitar la coordinación del trabayu de los servicios públicos cola mesma llabor de les entidaes. Otru retu foi l’atención a les persones que s’atopaben na cai, articulando una solución a nivel autonómicu que foi habilitar el Pabellón de La Tejerona para agospiales. Tamién s’intervieno al traviés de les ayudes al consumu enerxéticu y ayudes al arriendu aumentando les ayudes hasta un 75%, y para facilitar la xestión poner en marcha un serviciu d’intermediación. Púnxose en marcha ayudes a ONG para l’arriendu de pisos y de la mesma xestionar el realquiler habitacional en pisos compartíos, para evitar asina l’abusu que sufren les y los usuarios. Sobro l’accesu a la vivienda, les y los participantes encamentaron a trabayar con otres alministraciones pa dexar convertir baxos en viviendes públiques.
La concejala aprovechó pa falar de dos nueves llínees d’ayudes, que’l so proyectu foi presentáu’l sábadu col nome de “El mio barriu”. Xuna primer llínea d’ayudes d’emerxencia ta dirixida a les persones en riesgu d’esclusión social, pa cubrir gastos de primera necesidá (alimentación ya hixene) y otra, d’ayudes complementaries, dirixida a persones en situación de vulnerabilidá económica, pa cubrir necesidaes básiques. Al tratase d’una ayuda directa, les persones beneficiaries nun van tener que faer nengún trámite pa la so solicitú.
La mocedá y l’infancia van ser les temes a afondar nuna próxima xunta.