Ayeri vienres 5 de marzu tuvo llugar la xunta telemática del Grupu de Trabayu d’Igualdá.
Nesti alcuentru, que cuntó cola participación de Goretti Avello Álvarez, directora xeneral d’Igualdá de Muyeres y Homes del Conceyu de Xixón y Vanesa Fernández García, secretaria de la Área Igualdá de la FSA-PSOE, tratáronse les temes de la meyora de la empleabilidá con enfoque de xéneru y la Campaña del 8 de marzu, respectivamente.
Con respectu al primer puntu, Goretti Avello, destacó que, dientro de les polítiques públiques, la igualdá nun puede tar basada en campañes puntuales, sinón que tenemos d’empecipiar procesos tresformadores en toles árees de xestión municipal.
Vanesa Fernández animó a les y los socialistes a participar na conmemoración del 8 de marzu, Día Internacional de les Muyeres, con una presencia masiva nes redes sociales y n’otros actos telemáticos programaos.