Esta selmana l’Agrupación Municipal Socialista de Xixón, al traviés de les secretaríes d’área, entamó dos grupos de trabayu, el de medioambiente y el de memoria democrática, con formatu mistu presencial y telemáticu.
El miércoles 26 de mayu, Olmo Ron Prada, conceyal de Conceyal de Caltenimientu y Obres Públiques del Conceyu de Xixón participó na actividá pa falar de los principales proyectos desenvueltos dende’l consistoriu xixonés, lo mesmo que de temes plantegaes poles persones asistentes como fueron la renaturalización del Ríu Piles, la calidá del aire de la zona oeste, l’apaición de carbón na Sablera de San Llorienzo, el desenvolvimientu d’una ordenanza del ruiu o la recuperación del Xardín Botánicu como espaciu científicu.
Angélica Blanco Naredo, secretaría de Medioambiente y Urbanismu de l’Agrupación, faló de la propuesta pa la organización d’unes xornaes sobre medioambiente y recoyó les idees apurríes poles y los asistentes.
El Grupu de Trabayu de Memoria Democrática, que tuvo llugar el xueves 27 de mayu, cuntó cola asistencia de Salomé Díaz Toral, concejala de Participación Ciudadana, Memoria Democrática, Mercaos y Consumu, quien espunxo los proyectos desenvueltos y los futuros rellacionaos cola memoria democrática de la ciudá. Alberto Ferrao Herrero, secretariu de Memoria Histórica de l’Agrupación, recoyó les propuestes pa la programación de les IV Xornaes “Xixón, xuna ciudá con memoria” y plantegó futures actividaes.
