La secretaría de Medioambiente y Urbanismu de l’Agrupación Municipal Socialista de Xixón reinició l’actividá programando un Grupu de Trabayu que tuvo como orde del día, ente otres temes, los puntos principales que va tener la nueva Ordenanza de Movilidá del Conceyu de Xixón. Cuntó cola participación d’Anxélica Blanco Naredo, secretaria d’Área del PSOE xixonés, de Llamera Ron Prada, conceyal de Caltenimientu y Obres Públiques, y de José Cosme García Revilla, director xeneral de Medioambiente y Movilidá.
Per otru llau, el pasáu xueves tuvo llugar el Grupu de Trabayu d’Economía ya Innovación, dirixíu por Edmundo Pérez Fernández, secretariu de la área de l’Agrupación, quien realizó un analís de la situación económica en redol a les consecuencies de la pandemia y de les midíes adoptaes pol gobiernu d’España y del Principáu d’Asturies pa desaniciar les sos consecuencies. Como segundu puntu del orde del día, Santos Tejón Llaneza, conceyal de Promoción Económica, Empléu, Turismu y Comerciu Local, faló de les competencies y actuaciones municipales na área económica. Tamién se cuntó cola participación de David Rionda Rodríguez, director xeneral de Promoción d’Empléu y de Luis Díaz Gutiérrez, director xerente de Xixón Impulsa.
Como en grupos de trabayu anteriores, facilitóse la participación al traviés de medios telemáticos y presencialmente na Casa del Pueblu, con un máximu de 10 persones y cumpliendo con tolos protocolos establecíos pa la prevención del COVID-19.