La xunta informativa que tuvo llugar ayeri llunes 1 de febreru, en formatu telemáticu, foi’l marcu pa falar del últimu Comité Autonómicu celebráu’l 22 d’avientu del 2020, onde s’aprobaron los Informes de Xestión de la Comisión Executiva de la FSA-PSOE y del Grupu Parlamentariu Socialista na Xunta Xeneral del Principáu d’Asturies y tratáronse temes de l’actualidá política.
Iván Fernández Ardura, secretariu xeneral de l’Agrupación Municipal Socialista de Xixón, como miembru del Comité Autonómicu, foi l’encargáu de faer un resume de les intervenciones, non ensin antes recordar la importancia de l’aprobación de los Presupuestos Xenerales del Estáu y del Principáu d’Asturies, que dan estabilidá al proyectu políticu del partíu socialista, y de la Llei d’Eutanasia onde foi clave’l trabayu realizáu por Luisa Carcedo, exministra de Sanidá y compañera de l’Agrupación.
La esmolición pola grave situación de crisis económica y social debida a la COVID-19, frente al comportamientu populista d’otres fuerces polítiques, el financiamientu autonómicu y los pactos ente fuerces polítiques, l’accesu a la Zalia, l’estatutu pa empreses electrointensivas, la transición enerxética, la situación de la industria n’Asturies y la necesidá de desenvolver proyectos nel so sofitu, fueron dalgunos de les temes trataes.