Xixón, 14 oct (EFE).- L’alcaldesa de Xixón, Ana González, abogó esti xueves por estudiar con aselu la inversión que’l proyectu de los Presupuestos Xenerales del Estáu (PGE) destina a la ciudá para constatar que reflexen el momentu alministrativu nel que s’atopen los proyectos d’obres como’l vial de Jove o’l Plan de Víes.
El proyectu presupuestariu preve para’l Principáu una inversión de 393,06 millones, de los que 18,5 correspuenden a Xixón, sobremanera para la meyora de les instalaciones del puertu d’El Musel.
“Les cantidaes tien que ver colos momentos alministrativos nos que tamos”, aseguró la rexidora, quien esplicó que, por casu, puede ponese el berru nel cielu” al ver la partida destinada al vial de Jove, pero igual nun ye necesariu más dineru porque agora ye’l momentu de llicitación de la obra colo que “nun ta indicando nada negativo”.
L’alcaldesa, que fixo estes declaraciones momentos antes de la inauguración de les xornaes “Proxecto Persones”, consideró qu’agora lo importante ye “siguir la pista” a la llicitación de la obra por que se empecipie l’añu que vien.
Al so xuiciu, el casu del Plan de Víes, que contempla la integración ferroviaria na ciudá, ye daqué “llixeramente distintu” por cuenta de qu’hai qu’esperar a la declaración d’impactu ambiental pa poder contratar el proyectu d’obra.
L’oxetivu, dixo, ye licitar el proyectu d’obra al par que se consigue’l financiamientu pa llevar a cabu los trabayos.
L’alcaldesa amosóse “satisfecha” cola cuantía que se lleva’l puertu, yá que “ta llamáu a ser unu de los polos económicos perclaros de Xixón y Asturies”.