Xixón, 4 ago (EFE).- L’alcaldesa de Xixón, Ana González, quier blindar el proyectu del plan de víes daqué que tan solo se puede consiguir llogrando tener “absolutamente cerrada” el financiamientu.Asina lo afirmó n’una entrevista na Cadena Ser na que señaló qu’unu de los oxetivos del so mandatu ye que quede “totalmente desbloquiáu y blindáu” esti proyectu que supon la integración del ferrocarril na ciudá, por que “nunca más naide pueda camudar nada” d’él. Pa ello, yá solicitó una xunta presencial cola nueva ministra de Tresportes, Movilidá y Axenda Urbana, Raquel Sánchez. González afirmó que’l Ministeriu de Transición Xusta ta redactando la declaración d’impactu ambiental, que va afitar l’allugamientu y entós podrá contratase el proyectu y poder tener “absolutamente cerrada” el financiamientu pa determinar qué entidá va dar el dineru pa la obra.Amás, l’alcaldesa confía en que l’ampliación del hospital de Cabueñes tea licitada esti trimestre y tien por oxetivu que l’añu que vien tamién tea funcionando de nuevu l’autopista del mar ente Xixón y Nantes.Tamién se refirió al proyectu de ITVASA de construcción d’una nueva estación d’ITV na parroquia rural de Granda y la proposición que salió alantre nel plenu de Xixón pa reclamar una comisión d’investigación en see parlamentaria, daqué que llomó de “pura coreografía”. González consideró que foi una “escenificación” porque tolos grupos políticos que lu sofitaron tienen representación na Xunta pero queríen faer una “escenificación” y “acusaciones velaes y torticeras” cuando, dixo, ellos aprobaron el PGO. L’alcaldesa, qu’aportunó en que’l proyectu ye llegal anque nun sía fayadizu o conveniente, nun criticó a IU magar dar el so votu al PGO yá que la so posición ye “radicalmente distinta”. EFE