Skip to content
Portada » Noticies » Convocaes les ayudes para asociaciones y colectivos de muyeres

Convocaes les ayudes para asociaciones y colectivos de muyeres

La Xunta de Gobiernu dispunxo na so sesión d’esti martes una partida de 54.800 euros empobinaos a asociaciones y colectivos de muyeres de Xixón para’l desenvolvimientu d’actividaes y programes que la so finalidá sía contribuyir a esaniciar la discriminación de les muyeres. Estes subvenciones para promover, sofitar y espublizar acciones que contribuyan a consiguir la igualdá real y efectivo y combatir la violencia exercida contra elles, van conceder en réxime de concurrencia competitiva con una llende máxima de de 3.000 € por entidá y añu.

Les modalidaes de subvención son les siguientes:

Por cuenta de la pandemia, les memories de los proyectos tendrán d’incluyir obligatoriamente un apartáu qu’especifique con claridá l’adaptación de les actividaes a les midíes que’l Gobiernu dicte en cada momentu dientro del Plan para la transición escontra una nueva normalidá.

Solo podrá presentase un proyectu per cada modalidá y nun va poder solicitase’l mesmu proyectu a modalidaes distintes. El plazu de presentación de solicitúes va ser de 15 díes arteros cuntaos a partir del día siguiente arteru al de la publicación del estractu de la presente convocatoria nel BOPA.

Cada asociación va poder presentase a un máximu de dos modalidaes de les convocaes y, n’ese caso, va indicase l’importe que se solicita para cada proyectu ensin qu’en nengún casu la suma total de dambos importes solicitaos pueda superar los 3.000€ señalaos enantes.

X