El Conceyu de Xixón va doblar l’aportación al conveniu del Colexu de Veterinarios para la esterilización de colonies felines respectu al añu pasáu. va roblar nes próximes selmanes y va cuntar con una partida de 10.000 euros, recuperándose d’esta miente la subvención previa al estáu d’alarma deriváu de la Covid-19.
Asina lo confirmó la concejala delegada de Salú Animal, Carmen Saras, na Comisión de Seguridá, Movilidá y Mediu Ambiente, quien aseguró tamién que se tán introduciendo meyores empuestes a facilitar la identificación de les asociaciones y persones cuidadores de colonies que formen parte del Plan de Captura, Esterilización y Suelta, y establecer coles mesmes un mayor control económicu sobro’l mesmu.
Per otru llau, recordó que’l citáu Plan CES cunta con una subvención municipal de 8.000 euros añales y que, al traviés del Depósitu d’Animales de Serín, realícense amás les esterilizaciones necesaries. Puntualizó tamién dende la Conceyalía de Salú Animal revisóse’l censu de colonies esistentes, yá que nun s’actualizara dende 2018.