Skip to content
Portada » Noticies » Francisco Priendes Quirós, Fíu Predilectu de la Villa de Xixón

Francisco Priendes Quirós, Fíu Predilectu de la Villa de Xixón

El Conceyu de Xixón va conceder tamién el títulu de Fíu Adoptivu al escritor Luis Sepúlveda, la Medaya de la Villa na categoría d’oru a l’Asociación Una ciudá para toos’ y les medayes de plata a José Antonio Rodríguez Canal, Raúl Entrerríos Rodríguez y a ADANSI.
El Conceyu de Xixón va conceder el títulu de Fíu Predilectu de la Villa de Xixón a títulu póstumu al abogáu, políticu y intelectual Francisco Priendes Quirós. Esti nomamientu, xuntu col restu d’Honores y Distinciones de 2020, foi alcordáu por La Xunta de Voceres celebrada esta mañana nel Salón de Plenos.

L’Alcaldesa de Xixón, Ana González Rodríguez, destacó los méritos de Priendes Quirós como xixonés d’esceición y tamién los sos ideales ilustraos que contribuyeron a desenvolver la so pasión política nel sentíu más noble, siempres a favor del bien xeneral y colectivu.

Coles mesmes, va nomar al escritor chilenu Luis Sepúlveda, fináu’l pasáu 16 d’abril a los 70 años d’edá víctima del COVID-19, Fíu Adoptivu de la Villa de Xixón. Reconozse, d’esta miente, el so amor y enraigono pol conceyu onde desenvolvió la so actividá lliteraria y la promoción d’iniciatives como’l Salón del Llibru Iberoamericanu que mientres 14 años reforzó los intercambios ente España y el mundu cultural y lliterario tresatlánticu.

Per otru llau, la Medaya d’Oru va recayer sobro’l proyectu social ‘Xuna Ciudá pa toos’, reconociendo, asina, el so casi medio sieglu de trabayu en favor de la integración social de colectivos y persones con un claru ideal de xusticia social.

Na categoría de plata, van concedese les esmorniaes a José Antonio Rodríguez Canal, periodista de referencia y medaya al Méritu nel Trabayu en 2008; al xugador de balonmano Raúl Entrerríos Rodríguez polos sos méritos deportivos y el so venceyu coles escueles deportives municipales; y a l’Asociación ADANSI poles sos 30 años de trayectoria nos qu’impulsó proyectos pa llograr el máximu desenvolvimientu de persones con trestornu del espectru autista.

La Xunta de Voceres nun concretó la fecha en que se va celebrar el Plenu d’Honores y Distinciones onde se van materializar estes concesiones anque, previsiblemente y si les condiciones sanitaries derivaes de la pandemia dexar, va retardar pa la seronda.

X