XIXÓN, 25 Jun. (EUROPA PRESS) –
Un total de 50 imaxes de la esposición ‘PHEdesdemibalcón’, presentada esti xueves, van colgar de los balcones de la plaza Mayor de Xixón hasta finales d’agostu.
Según una nota de prensa de la Fundación Municipal de Cultura de Xixón, les imaxes fueron escoyíes d’ente un total de 395 unviaes por xixoneses al concursu, entamáu por PHotoEspaña.
Nesta edición PHotoEspaña, y énte la situación provocada pola Covid19, llanzó xuna convocatoria abierta a les grandes ciudaes y a tolos fotógrafos, profesionales y aficionaos, y públicu polo xeneral pa recoyer tola creatividá que se ta produciendo nel periodu de confinamientu y amosar les meyores semeyes que se realicen en redol a los nuesos balcones.
PHotoEspaña recibió 63.000 imaxes de 50 ciudaes participantes, ente les que s’atopa Xixón, dende onde s’unviaron 395.
Ente toles imaxes presentaes, un xuráu d’espertos escoyó un total de 2.450 fotografíes, que s’esponen al campu nes sos respectives ciudaes.