Skip to content
Portada » Noticies » La FSA-PSOE va axuntar de forma telemática al so Comité Autonómicu per primer vegada na hestoria

La FSA-PSOE va axuntar de forma telemática al so Comité Autonómicu per primer vegada na hestoria

“Somos el partíu de referencia d’Asturies y queremos dar exemplu tamién na nuesa forma d’axuntanos”, destaca Adrián Barbón, seguro de que “si los asturianos siguir faciendo bien, vamos salir adelantre y vamos superar” la crisis del coronavirus
El secretariu xeneral de la FSA-PSOE y presidente del Principáu, Adrián Barbón, avanzó güei, al términu de la xunta de la Comisión Executiva Autonómica, que la federación va axuntar “per primer vegada na hestoria” al so Comité Autonómicu, máximu órganu entre congresos, de forma telemática, nun contestu marcáu pola pandemia del COVID-19. “Somos el partíu de referencia d’Asturies y queremos ser exemplu tamién na nuesa forma d’axuntanos”, indicó.

Va Ser a finales de setiembre o principios d’ochobre, esplicó Barbón. “Nenguna organización política convocó d’esta manera al so máximu órganu entre congresos”, abondó, remarcando l’apueste de la FSA-PSOE por caltener el pulsu de la vida orgánica y por que los socialistes “compartamos y convivamos, siempres siendo exemplares nel cumplimientu de les normes”. La FSA-PSOE ta “a la vanguardia” nesti terrén, dixo, recordando que son delles yá les comisiones executives celebraes per vía telemática y qu’agora se convocará por esta mesma vía un Comité Autonómicu nel que participen dellos cientos de persones.

Na Comisión Executiva d’esta tarde encetáronse dellos asuntos, cola crisis del coronavirus como epicentru. La Comisión Executiva, resaltó’l secretariu xeneral, valoró de forma “bien positiva” l’alcuerdu entre les comunidaes autónomes y el Gobiernu central para dar una respuesta conxunta al impactu de la pandemia. Y sofitó amás l’acción que ta desenvolviendo’l Gobiernu asturianu na llínea de “nun baxar la guardia, con midíes clares y contundentes para frenar la espansión del virus”. La prioridá, dexó claro, ye “salvar vides”.

La Comisión Executiva encetó tamién la situación política nacional y, a esi respectu, apeló al entendimientu, percima de “estratexes y táctiques partidistes”, para “centrase no importante, que ye la llucha contra’l coronavirus”.

Sobre la evolución de la pandemia, Barbón almitió que la situación ta siendo y va ser “dura”, pero s’amosó convencíu de que si los asturianos “siguimos actuando con responsabilidá y siguimos faciendo les coses bien, vamos salir adelantre y vamos superar esta situación”.

X