La Xunta de Gobiernu, axuntada esta mañana en sesión ordinaria telemática, aprobó una partida de 211.000 euros para la primer convocatoria de subvenciones para la recuperación de persones trabayadores tres un Espediente de Regulación Temporal d’Empléu.
La finalidá d’estes ayudes ye contribuyir a apangar la situación de perda d’empléu, por aciu la concesión directa de subvenciones a microempresas, incluyendo a trabayadores/as por cuenta propia o ayena, comunidaes de bienes, sociedaes civiles o entidaes ensin ánimu d’arriquecimientu.
Para ello ríquese que les empreses reincorporen nuevamente a estes persones a l’actividá llaboral de la empresa con posterioridá al 9 de mayu de 2021, concediéndose una ayuda de 1.000 euros per cada persona incorporada (con un máximu de dos), y estableciéndose dos convocatories.
Estableciéronse dos convocatories, una del 10 de mayu al 31 de xunetu de 2021 (dambos incluyíos) y la segunda, del 1 d’agostu al 30 de setiembre (dambos incluyíos). En total recibiéronse 206 solicitúes (156 aprobaes, 42 refugaes y 8 arrenunciaes).
Per otru llau, aprobáronse 181.967’04 euros para la concesión de subvenciones a la rehabilitación de fachaes para trés comunidaes en plaza d’Europa, paséu de Begoña y cai Ezcurdia.
La Xunta dio lluz verde tamién a la contratación de 96 motocicletes para la Policía Local, en réxime d’arrendamientu, con un presupuestu base de llicitación de 1.014.686’64 euros (IVA incluyíu), estremáu en dos llotes. El primeru d’ellos, para’l renting de motocicletes con destín a les secciones de tráficu (677.544’48 euros, IVA incluyíu); y el segundu, con destín a les secciones de policía comuñal (513.244’80 euros, IVA incluyíu).
A lo último, aprobóse la contratación d’un sistema de ciberseguridad y protección de datos del Conceyu, con un presupuestu base de llicitación de 1.410.134 euros (IVA incluyíu),