Delles disciplines van impartise fora de los colexos, al participar solo 22 centros escolares
XIXÓN, 28 (EUROPA PRESS)
El conceyal d’Actividá Física y Deporte del CONCEYU DE XIXÓN, José Ramón Tuero, avanzó esti miércoles que’l programa d’Escueles Deportives va poner en marcha’l próximu día 3.
Tuero, en rueda de prensa nel Conceyu xixonés, incidió en que’l desenvolvimientu d’esti programa ye un oxetivu irrenunciable” del Patronatu Deportivu Municipal (PDM), con cuenta de favorecer la práctica deportiva, principalmente ente los más nuevos.
Destacó, coles mesmes, que solo un 0,22 per cientu de los biltos de la COVID-19 produciéronse n’actividaes deportives. A esto sumó que la Organización Mundial de la Salú encamienten que los neños de cinco a 17 años faigan xuna actividá física de siquier 60 minutos al día. Apuntó tamién a lo beneficios polo xeneral de l’actividá física.
De los 54 centros escolares que suelen participar nes Escueles Deportives, solo 22 van dexar el desenvolvimientu del citáu programa nes sos instalaciones. El PDM buscó, por esti motivu, espacios alternativos, como pueda ser la Llaboral, Les Mestes, cortil ferial, Patinódromo de Moreda.
Tuero señaló que l’oxetivu ye poder llegar a un 60 per cientu, siquier, de los casi 6.000 participantes qu’había’l cursu pasáu. Coles mesmes, indicó que s’aumentó de 1.200 a 1.600 l’ayuda a los clubes deportivos qu’imparten estes actividaes.
Animó a “perder el mieu” y a saber convivir cola pandemia. Tamién incidió en qu’en casu d’andada, van aplicase los protocolos establecíos.