Skip to content
Portada » Noticies » Los puestos del Rastru d’artículos nuevos y alimentación vuelven al so allugamientu

Los puestos del Rastru d’artículos nuevos y alimentación vuelven al so allugamientu

Los puestos del Rastru d’artículos nuevos y alimentación vuelven al so allugamientu orixinal el domingu. Van retornar a los espacios que figuren nes sos autorizaciones alministratives dempués de ser redistribuidos pol aparcamientu qu’hai detrás del Palaciu de Los Deportes con motivu del COVID-19.

La concejala de Participación Ciudadana, Mercaos y Consumu, Salomé Díaz Toral, caltuvo esta mañana una xunta con vendedores y vendedores ambulantes na que se tomó esta decisión énte la meyora de les condiciones sanitaries, cuidao que la distancia de seguridá interpersonal amenorgóse a 1’5 metros y nun ye necesaria tanta distancia ente puestos.

El Conceyu de Xixón garantiza, coles mesmes, el cumplimientu de les llimitaciones y midíes establecíes pol Resolvimientu de la Conseyería de Salú del 19 de xunu de 2020 que va caltener la so vixencia hasta que’l Gobiernu declare la finalización de la crisis sanitaria.

Cabo recordar que’l Rastru retomó la so actividá’l pasáu 14 de xunu. Pa faer posible la instalación de tolos puestos habilitóse entós l’aparcamientu allugáu ente l’Alamea de Manuel Preciado y l’Avenida Capo Quini, ello ye que les y los comerciantes d’artículos usaos van siguir asitiaos equí temporalmente.

X