Skip to content
Portada » Noticies » Sergio Moráis, reelexíu secretariu xeneral de les Mocedaes Socialistes de Xixón

Sergio Moráis, reelexíu secretariu xeneral de les Mocedaes Socialistes de Xixón

Les Mocedaes Socialistes de Xixón celebraben nel día de güei, na Casa del Pueblu del PSOE de Xixón, una Asamblea Ordinaria Congresual onde salió aprobada por unanimidá la nueva Comisión Executiva que se va encargar de pilotar la organización los próximos cuatro años.

N’aprobando l’informe políticu y de xestión per unanimidá, l’asamblea dio en responder por la única propuesta presentada énte ella, encabezada por Sergio Moráis como secretariu xeneral. Tamién formen parte de la Comisión Executiva’l veteranu militante de la organización xuvenil, Miguel Menéndez, que va ser l’encargáu de la vicesecretaría xeneral; el funcionamientu internu, al traviés de la Secretaría d’Organización ya Igualdá, va tar al cargu de la única persona que repite nesta executiva al pie de Sergio Morais, Valeria Iglesias.

Per otru llau, incorpórense Sofía Fernández como secretaria de Política Institucional, Trabayu y Relaciones Sindicales; y Brian González como secretariu d’Educación y Memoria democrática. Al rematar l’Asamblea, Sergio Moráis dirixió xunas curties palabres a los presentes faciendo énfasis nos retos qu’encara la nueva dirección política: el desafecto de la mocedá cola política, la precariedá llaboral, los problemes d’emancipación y vivienda, la llucha pola igualdá y por unos servicios públicos municipales de mayor calidá, según la problemática de la despoblación y el cambéu climáticu. Cerró l’asamblea Olaya Rosell, secretaria xeneral de JJSS d’Asturies.

Alcuentru col dibuxante asturianu Alfonso Zapico
Una vegada rematada l’Asamblea y dientro de los actos programaos por cuenta de la Conmemoración del 14 d’abril, Día de la República, les Mocedaes Socialistes de Xixón caltuvieron un alcuentru telemáticu col dibuxante Alfonso Zapico, nel que tamién participó Monchu García González, secretariu xeneral de l’Agrupación Municipal Socialista de Xixón.

Leave a Reply

Your email address will not be published.

Share This
X