Skip to content
Portada » Noticies » Un solaron “verdificado” y un Plan de Víes como exes de la movilidá sostenible para Xixón

Un solaron “verdificado” y un Plan de Víes como exes de la movilidá sostenible para Xixón

L’alcaldesa de Xixón, Ana González Rodríguez, ye optimista a la d’encarar el proyectu del Plan de Víes. “Creo que vamos dexar zarráu, blindáu, el plan de víes y el Metrotrén”, aseguró l’alcaldesa de Xixón, quien indicó que’l proyectu va suponer un elementu decisivu” para’l gran tresformamientu de la localidá.
La rexidora, que consideró que’l plan de víes ye “absolutamente necesariu para una movilidá sostenible”, negó romper el consensu en redol a esti proyectu col impulsu d’unu cambéu del conveniu vixente.
Según detalló, por que’l plan de víes sía una realidá ye necesariu cuntar cola declaración d’impactu ambiental, que ta puesta a rematase, y dar unos pasos que son los mesmos para dambos allugamientos.

Asina mesmu, l’equipu de gobiernu del Conceyu de Xixón va proponer en Xixón al Norte (GAN) impulsar una urbanización sostenible de los xardinos del tren de la llibertá, conocíos como “solarón”, que va dexar una meyor integración de la futura estación intermodal na ciudá.

Asina lo avanzó esti miércoles l’alcaldesa de Xixón, Ana González, nel alderique del estáu del conceyu, onde defendió la propuesta del PSOE d’asitiar la estación intermodal en Moreda frente al apueste por allugala na redolada del Muséu del Ferrocarril que quedó afigurada nel últimu conveniu robláu en 2019 sol mandatu de Foru.

La rexidora, quien sostuvo qu’el so defensa d’allugar la intermodal en Moreda atiende a una “reflexón tranquila” realizada n’escuchando a espertos, esplicó qu’en paralelu al alderique municipal ta celebrándose una xunta técnica para avanzar na propuesta d’un nuevu modelu urbanu para sacar alantre’l Plan de Víes con criterios de sostenibilidá.
Lo más destacable d’ella, dixo, ye qu’el “solarón” va urbanizar con criterios de sostenibilidá, con una mayor verdificación y xuna meyor integración na redolada prescindiendo de la torre de 20 altores y ensin xenerar nueves tramitaciones más allá de les imprescindibles por que pueda aprobase el proyectu d’urbanización anguaño en tramitación.
va diseñase un modelu de comercialización que dexe amontar sustancialmente la concurrencia y va formulase xuna propuesta de nueva ordenación sostenible y con meyor integración de los elementos urbanos que van conformar el restu del ámbitu del plan especial.

Según sostuvo, esto va garantizar la supresión de la barrera ferroviaria, xuna reordenación global de la edificabilidad, xuna redistribución de les dotaciones públiques y xuna redefinición del esquema viario previstu.
L’oxetivu ye llevar una propuesta empuesta a crear un “solarón verdificado” nun Xixón que se piensa atentu, cercanu, qu’acaba coles fiendes físiques entre barrios y diséñase para l’alcuentru, el bienestar, la convivencia y la salú.

El gobiernu tien previstu informar d’esta xunta’l próximu llunes a los conseyeros municipales en GAN y el martes 16 a tolos grupos na Comisión d’Urbanismu.

X