Skip to content
Portada » Noticies » Xixón apura al Estáu a promover fondos y faer cambeos normativos por que les ciudaes puedan empecipiar la reconstrucción

Xixón apura al Estáu a promover fondos y faer cambeos normativos por que les ciudaes puedan empecipiar la reconstrucción

Noticia: Europa Press, 5 de mayu del 2020.
Fotografía: Ana González Rodríguez, alcaldesa de Xixón. Europa Press.

L’alcaldesa de Xixón, Ana González (PSOE), alvirtió esti martes al Gobiernu central de que nun se puede dicir que les ciudaes son elementos importantes de cara a la reconstrucción que tien de desaniciar los efectos de la crisis xenerada pola pandemia del COVID-19 ensin dotales de les ferramientes precises, que son, al so xuiciu, dineru y personal.

Asina lo manifestó dempués de la xunta telemática de les 15 ciudaes más poblaes nel marcu de la Federación Española de Conceyos y Provincies (FEMP), na que coincidieron en que fueron les más castigues pol COVID-19 y en que comparten esmoliciones, necesidaes y reivindicaciones comunes.

A esti respectu, aportunó en que’l Gobiernu central tien que cuntar coles ciudaes y tamién les autonomíes. De les primeres, aprofió qu’implementaron les midíes del decretu del Estáu d’Alarma y afixeron tases ya impuestos para nun afondar na crisis socioeconómica.

“Non puede faese nada ensin dineru”, treslladó la rexidora xixonesa al Executivu central, al qu’esixe que se lliberar el remanente de los conceyos y que s’habiliten fondos específicos como se ta faciendo yá coles autonomíes.

Tamién quier que s’acabe con ciertos preseos normativos como la riegla de gastu y la tasa de reposición, nesti últimu casu para poder contratar al personal que se considere necesariu.

González remarcó que son l’elementu fundamental para la reconstrucción porque la vida pasa nes ciudaes y son la base en de la pirámide na que s’articulen les trés alministraciones.

X