Skip to content
Portada » Noticies » “Ye importante que’l movimientu vecinal tea comprometíu cola ciudá, pero hai que reconocer que’l Gobierno tá trabayando”

“Ye importante que’l movimientu vecinal tea comprometíu cola ciudá, pero hai que reconocer que’l Gobierno tá trabayando”

  • La candidata a l’Alcaldía visitó esta mañana la Fundación CTIC y el Cluster TIC nel Parque Científicu y Tecnolóxicu de Xixón

La candidata del PSOE a l’Alcaldía de Xixón, Ana González, reivindicó esta mañana’l trabayu que vieno desenvolviendo’l Gobiernu d’España nel Plan de Víes, cola llicitación de diverses obres rellacionaes coles estaciones y el túnel del metrotrén, y volvió garantizar que “el conveniu va roblase primero de les elecciones xenerales”.

González reconoció la estupenda salú de la que gocia’l movimientu vecinal de la ciudá, daqué que calificó como “bien positivo” porque denota que “los vecinos y vecines de Xixón tán comprometíes y comprometíos col desenvolvimientu de la ciudá”.

De la mesma forma qu’hai que valorar tamién que desque’l PSOE llegó al Gobiernu produciéronse meyores notables, que’l Gobiernu de Pedro Sánchez “ta trabayando y el conveniu va roblase”, remarcó.

La candidata socialista fixo estes declaraciones a entrugues de los periodistes, de la que visitaba’l Parque Científicu y Tecnolóxico, xunto al candidatu a la Presidencia del Principáu y secretariu xeneral de la FSA, Adrián Barbón.

Tres aconceyar na Fundación CTIC, Ana González recordó cómo un gobiernu socialista foi capaz de char a andar el Parque Científicu y Tecnolóxicu, cuando munches voces intentaben oponese a ello, y a día de güei convirtióse na see de la innovación que siempre caracterizó a Xixón, hasta la llegada de FORO al Ayuntamientu.

Nesti sentíu, reivindicó la necesidá  de que Xixón excape del encorsetamientu d’estos últimos ocho años, pa  que “vuelva ser una ciudá innovadora en tolos sentíos que mire p’alantre”.