El Conseyu de Mujer Xixón escoyó’l lema ‘Yes parte de la solución’ para conmemorar los actos entamaos pola Dirección Xeneral d’Igualdá del Conceyu de Xixón con motivu del Día Internacional contra la Violencia de Xéneru. L’oxetivu del mesmu ye tresmitir la responsabilidá individual y la necesidá de la implicación personal na llucha contra la violencia de xéneru.
La campaña d’esti 25N va dirixida especialmente a la mocedá, a quien ye necesariu tresmitir la necesidá de la so implicación como parte de la solución a esti problema y del so erradicación. N’ese sentíu, el día 17 de payares va tener llugar nel Salón d’Actos de la Escuela de Comerciu la xornada ‘Violencia de Xéneru en Mozos y Adolescentes’, impartida pola doctora de la Universidá d’Uviéu y presidenta de l’Asociación d’Educación Sexual y Coeducación d’Asturies RIXU, Soraya Calvo. Darréu, va desenvolvese la mesa redonda ‘Modelos relacionales ente moces’, cola participación de Aridane Cuevas, presidenta del Conseyu de la Mocedá de Xixón; Lucía Lobato, presidenta de Muyeres Nueves d’Asturies; y Diego Fernández, pedagogu y mediador del grupu de Salú del Conseyu de la Mocedá.
Coles mesmes, en collaboración cola Conceyalía de Mocedá y col fin de trabayar l’allugamientu contra la violencia de xéneru, programáronse dos sesiones del taller ‘Otres formes de tratanos son posibles’, dirixíu a mozos y moces d’ente 18 y 25 años. van desenvolvese’l 23 y el 24 de payares na biblioteca de la Escuela de Comerciu.
A lo último, el mesmu día 25 va tener llugar la concentración n’homenaxe a les víctimes de violencia de xéneru na Plaza Mayor a les 19.00 hores y va cuntar cola collaboración del alumnáu de la Escuela Cimera d’Arte Dramático.