El Conseyu d’Alministración de Campusantos de Xixón, axuntáu esta mañana de forma telemática, aprobó por unanimidá’l presupuestu de la entidá para 2022, que se cifra en 995.900 euros. Inclúi una partida para inversiones de 65.000 euros, de los cualos 37.000 euros van destinar a l’ampliación d’unidaes d’enterramientu del Campusantu Municipal de Deva, en concretu para la construcción de 45 urnes y 4 sepulturas.
Tamién s’aprobaron por unanimidá caltener la conxelación de les tarifes de servicios y concesiones d’unidaes d’enterramientu al llargu plazu; solo amóntase un 10% el preciu de les concesiones de sepulturas (tumbes de tierra) a 75 años.
Per otru llau, informóse de la ellaboración d’un protocolu de seguridá para’l Día de los Difuntos que, anque que se va cinxir a la evolución de la pandemia, contempla midíes como la presencia de personal nes principales puertes d’accesos de los campusantos más visitaos, amontar la frecuencia de llimpieza d’espacios comunes y gradiar les visites para evitar que se concentren n’una sola xornada.