Va Haber anguaño una llínea d’ayudes de 100.000 euros para compra d’un coche de segunda mano con etiqueta ambiental
(EUROPA PRESS)
El conceyal de Movilidá del CONCEYU DE XIXÓN, AURELIO MARTÍN (IU), señaló esti xueves que se va a flexibilizar dellos criterios de la Ordenanza de Movilidá que s’imponíen a partir de 2026, como ye lo que tien que ver la prohibición de circular pol conceyu a coches clásicos, de más de 30 años y los que nun tienen derechu a etiqueta ambiental.
Nesti casu, los sos propietarios van poder usar los sos coches con una llende de 2.500 kilómetros añales, y nun van poder aparcar en superficie, pero sí nun parking soterráu. Tou ello nel marcu d’un alcuerdu cola Plataforma d’Afectaos pola Ordenanza de Movilidá. Los sos propietarios tendrán de faer una solicitú rogada, acompañada del documentu de revisión de la ITV añalmente, onde se marca’l kilometraxe.
El conceyal señaló qu’esti cambéu dexa caltener esta actividá cultural y social amestada a los coches clásicos, de hobbie, pero tamién se quixo tener sensibilidá con determinaos colectivos sociales. Tamién indicó que 119 enmiendes presentaes polos grupos municipales fueron incorporaes a la Ordenanza, especialmente de Ciudadanos, con 41 aceptaes y 7 transaccionales. Destacó, a esti respectu, que Ciudadanos fixo un gran trabayu con esta ordenanza, y esperen incorporar más grupos municipales al sofitu a la normativa.
Al marxe de les enmiendes, apuntó a les 178 allegamientos presentaos, de les qu’un 80 per cientu aprosimao correspuenden a la Plataforma d’Afectaos pola Ordenanza.
Gracies a estes, según el conceyal, pudo intentase faer una ordenanza frutu d’un consensu ampliu, dientro y fora del Conceyu. Resaltó, coles mesmes, que ye una ordenanza basada na movilidá sostenible y l’Axenda 2030. Una “bona” ordenanza, a la vanguardia de les qu’hai nes poques ciudaes qu’empezaron a reformar la so ordenanza, según Martín.
Sobro la prohibición de circular a partir de 2026 a los que nun disponen d’etiqueta ambiental, indicó que va afectar a los mercaos n’antes de 2006, nel casu de los Diésel, y de 2000 nel de los de gasolina. Esplicó que, xeneralmente, la xente tien los vehículos hasta los 20 años o poco más a lo sumo, magar cuando yá cumplen 25 años pasen a ser como un oxetu más de colección y nun usase tanto pa desplazamientos diarios. Eso sí, dexó claro que la idea nun ye de la Plataforma, sinón de los seguros, que llinden a un kilometraxe les pólices, sabedores de que nun suelen usase enforma.