L’alcaldesa de Xixón abanderó l’actu del Día d’Europa acompañada de los voceros de los Grupos Municipales del consistoriu sacante Vox. “Siento que somos Europa. Solo cola suma vamos algamar la igualdá plena, la xusticia y la democracia”, aseguró la rexidora que tamién añedió que se debe atender
los retos actuales, sobremanera, aquellos que tienen que ver col bienestar de les persones y col mediu ambiente.
El 9 de mayu celebra’l día d’Europa porque ye l’aniversariu de la histórica declaración de Schuman. Nella falaben de paz y de la unidá del continente.
“Anguaño, la paz va muncho más allá de l’ausencia de guerra; entendemos la paz como una manera de convivencia dende la inclusión. Creo que l’espíritu d’esa declaración tien de siguir presidiendo esti día y tolos díes”, aseguró González.
Como europeos y europees, tenemos una responsabilidá histórica por que la paz, el bienestar, la xusticia, la democracia, el cuidu, la inclusión y el respetu del mediu ambiente sían los oxetivos qu’empongan al mundu.