El programa 11×12 del Conceyu de Xixón va reforzar l’atención nel desenvolvimientu de xeres escolares por cuenta de la situación actual de pandemia. van realizase los llabores habituales d’esti serviciu para la conciliación llaboral y familiar, como son la supervisión del xuegu llibre y el serviciu de catering para meriendes, pero va amontase, poro, el sofitu a les neñes y los neños por que realicen los deberes.
Coles mesmes, por cuenta de la actual crisis sanitaria, solo va almitise la participación de les neñes y los neños d’otros colexos de la ciudá de Xixón nel casu de que nun se cubrir les places con escolares de los mesmos centros y l’asistencia va deber de ser mínimu de trés díes a la selmana. Amás, la ufierta por colexu nun va ser cimera a 20 places tal que s’establez nel resolvimientu de 30 de xunetu de 2020 de la Conseyería d’Educación.
El proyectu cunta tamién con un plan especial de contención de la COVID19 que va ser evaluáu y afechu siguiendo les pautes establecíes nos protocolos de cada unu de los centros educativos y va tar en permanente revisión coles que se dicten tantu dende la Conseyería, como dende’l Comité Técnicu de Salú’l P.A., y dende el mesmu Conceyu de Xixón/Xixón. Acorde al mesmu non podrá aportase al serviciu con síntomes rellacionaos col virus y encamiéntase que cada participante lleve un pequenu neceser con xabón de manos o xel y una pequeña toalla para’l so usu individual. Les y el monitores van tar bien pindios de que se cumplan les midíes d’hixene y van encargase d’echar xel hidroalcohólico o’l xabón de manos a les y los menores con cuenta de tean tocando los botes costantemente. Quien presente síntomes mientres l’horariu d’actividaes va tener que ser aislláu n’un aula, va desagafase tol moblame o’l material col que tuviera en contactu y va informase a los sos responsables sobro los pasos a siguir pal treslláu del menor. Tamién se va redactar un parte d’incidencies colos datos fundamentales menor que va ser darréu unviáu la dirección del centru educativu. En casu de que de positivu, va echar voz de darréu la situación y van realizase les pertinentes llabores de desinfección del centru, poniendo tola documentación posible al serviciu de la salú pública. Si’l serviciu de salú indica que cualquier persona que cohabite cola neña o’l neñu tien de realizase les pruebes, nun va poder volver participar nel serviciu hasta que la familia nun presente les pruebes con resultancies negatives.
Como ye habitual, el 11×12 va emprestar atención dende’l fin del comedor escolar y hasta les 18.30 hores sacante los meses de setiembre y xunu que va rematar a les 18.00 hores. Nos díes y periodos non lectivos, va ufiertar atención temprana con almuerzu dende les 7.30 hores y comedor ente les 14.00 y les 16.00 hores y talleres y actividaes dientro de los campamentos urbanos de Navidá, Selmana Santa y Branu. De la mesma, la inscripción mensual dexa participar de manera gratuita en dalguna de les actividaes del Patronatu Deportivu Municipal.
Les tarifes son les siguientes:
| TARIFES periodo lectivu | 1º hermanu/a | A partir del 2º hermanu/a | A partir del 3º hermanu/a | A partir del 4º hermanu/a |
| Tarifa mensual | 25,40 € | 17,80 € | 12,70 € | 6,30 € |
| Tarifa diaria | 3 € | 2,10 € | 1,50 € | 0,80 € |
| Periodu vacacional | CAMPAMENTOS URBANOS y DÍES NON LECTIVOS (Y LLABORABLES) | |||
| Tarifa selmanal | 30,50 € | 21,30 € | 15,20 € | 7,60 € |
| Tarifa diaria | 6,10 € | 4,20 € | 3 € | 1,50 € |
El preciu per día pal almuerzu ye de 1’70 euros, pa la comida ye de 4’20 euros y pa la merienda ye de 1’45 euros. Les families que nel so casu cumplan los beneficios d’accesu a les ayudes de calter social vixentes en cada exerciciu, van percibir xuna ayuda pal pagu de les actividaes del 11×12. Los beneficiarios de la beca comedor tienen xuna ayuda del 100 per cien del preciu públicu.Cabo recordar que’l plazu d’inscripción ta abiertu dende’l 9 de setiembre. Les families comenenciudes tendrán de llamar al centru educativu correspondiente solicitando xuna cita previa.