La oficina d’Atención a la Ciudadanía del Centru Municipal Integráu de L’Arena volverá emprestar servicios, a partir del 1 de xunu de 2021, nel so allugamientu habitual, na planta baxa del Centru, onde vieno faciéndolo dende fai 21 años.
El Conceyu de Xixón recupera d’esta forma’l serviciu d’Atención a la Ciudadanía en L’Arena, que fuera suspendíu por razones sanitaries, tres la reapertura de los centros municipales post confinamientu, y centralizárase nel Centru Municipal Integráu d’El Cotu.
La concejala d’Atención a la Ciudadanía, Dolores Patón, esplicó na Comisión de Participación Ciudadana celebrada esta mañana que, nesa zona, executáronse les obres necesaries para modificar la entrada y distribución, según la so confortabilidad térmica, y esaniciar les corrientes d’aire.
Toes estes actuaciones acometiéronse siguiendo en tou momentu los encamientos del Serviciu de Prevención y Salú Llaboral del Conceyu de Xixón, a partir d’informes sobro condiciones termohigrométricas realizaos por esti serviciu.
La recuperación de l’actividá faise, una vegada más, cola conformidá d’esti serviciu, que’l so oxetivu foi siempres embrivir los riesgos de la pandemia, tantu pa les persones qu’ellí trabayen como pa les sos usuaries y usuarios. Nesti sentíu, Prevención y Salú Llaboral informó de que, por razones de temperatura y mugor, yá pueden desenvolvese trabayos na oficina, ensin necesidá de tener la cortina d’aire encendida y cuando sía necesariu volver encender, ye d’esperar que la situación sanitaria yá ameyorara.