l Conceyu de Xixón, al traviés de la Conceyalía de Salú Animal, abrió una consulta previa para l’aprobación del Reglamentu del Conseyu Sectorial de Salú Animal.
L’oxetivu ye percanciar la opinión de la ciudadanía y de les organizaciones representatives col fin d’arriquecer esti documentu para garantizar asina una convivencia pacífica de persones y animales y respetar los derechos y obligaciones de les partes.
La concejala delegada de la área, Carmen Saras Blanco, señaló que’l Reglamentu ye l’elementu regulador necesariu por que’l Conseyu de Salú Animal empiece a funcionar, tal que espresa l’artículu 133 de la Llei 39/2015. N’ese sentíu, indicó qu’esti trámite va dexar llograr soluciones consensuaes a problemes presentes y antemanase a les realidaes del futuru. Amás, va ufiertar un réxime normativu unitariu qu’ameyora y simplifica les normes y favorez la implicación de les distintes realidaes nun órganu que quier respuesta a les necesidaes de participación, sofitu y asesoramientu en materia de protección.
Aquelles persones que quieran realizar les aportaciones oportunes van poder faelo nel portal de participación de la páxina web municipal hasta’l 22 d’avientu (https://participa.gijon.es/participa/)