El Conceyu remató les obres d’acondicionamientu de los terrenes asitiaos frente a la see vecinal de La Pedrera, allugada nes antigües escueles de la parroquia. Güei inauguróse esti espaciu nel que s’habilitó un aparcamientu de 11 places, una d’elles para persones con movilidá amenorgada. Tamién s’urbanizó la zona con pavimentu de formigón firme, dotóse d’allumáu públicu ya itinerarios piatonales accesibles con una rampla formada por dos tramu d’un 8% de pindiu, descansu entemediu y barandiella. Tou ello cumple, por tanto, cola normativa estatal y autonómico en materia d’accesibilidá.Les obres lleváronse a cabu con personal de la Sección de Brigaes del Conceyu de Xixón procedente del Plan d’Empléu 2020/2021, en concretu, con 1 xefe d’equipu, 3 oficiales de segunda y 3 peones. Actuóse en total sobro una superficie de 271 metros cuadraos nun plazu de dos meses y con un presupuestu d’execución material de 17.820 euros.