XIXÓN, 13 (EUROPA PRESS)
El conceyal de Mediu Ambiente y Movilidá de Xixón, AURELIO MARTÍN, señaló esti xueves que’l CONCEYU DE XIXÓN aspira a la renaturalización y la recuperación de los valores ambientales del ríu Piles y que ello pueda ser compatible cola práctica del piragüismu.
Asina lo indicó tres la Comisión Técnica de la Mariña, en declaraciones a los medios de comunicación. Martín aprofió que ye momentu de tomar decisiones.
Nesti sentíu, indicó que’l Gobiernu central empezó colos procedimientos que tienen que ver coles convocatories pa optar a les ayudes europees.
Ello ye que apuntó que se sabe que quier habilitase, nuna primer convocatoria, 75 millones d’euros del Plan de Recuperación, Tresformamientu y Resilencia pa executar una serie de proyectos de restauración fluvial y protección frente a los hinchentes de les redolaes urbanes que pongan en marcha soluciones basaes na Naturaleza y que dexen ameyorar l’estáu de los ríos y fomentar a adaptación al Cambéu Climáticu.
Nesti sentíu, avanzó qu’antes del 25 d’esti mes el Conceyu tendrá de rellenar una serie d’indicadores esixíos pol Conceyu pa faer la valoración correspondiente na repartida de fondos.
Coles mesmes, el Gobiernu central va aprobar el próximu mes de xunetu los criterios pa la repartida y distribución de fondos, según el conceyal. Adelantró, eso sí, qu’ente los criterios figura que van tener que tar executaos los proyectos antes del 31 d’avientu de 2024.
Martín indicó qu’hubo un tiempu pa la reflexón, los informes y la participación ciudadana al traviés del Conseyu Sectorial de Mediu Ambiente, pero toca, al so xuiciu, tomar decisiones.
Apuntó, al tiempu, que’l camín de la restauración y renaturalización de los ríos dir a faer de la mano de la Confederación Hidrográfica del Cantábricu (CHC) y de la Viceconsejería de Mediu Ambiente del Principáu, de cara tamién a llograr los fondos necesarios y llograr los oxetivos marcaos.
El conceyal confirmó que caltuvieron xuntes col Real Grupu de Cultura Cuadonga. Esclarió, amás, que na tema de la compatibilidá cola práctica del piragüismu, va encetase tamién coles entidaes deportives y el mesmu Patronatu Deportivu Municipal.
Aprofió, nesti casu, que nun se trata d’aníu navegable sí o non, sinón de ver les alternatives pa poder caltener la práctica del piragüismu. Especialmente va valorase la posibilidá plantegada pol Grupu Cuadonga de les compuertes enchibles, que cree que ten de ser desenvuelta técnicamente.
Esta va ser una de les cuestiones que s’incluya nel estudiu que va salir a llicitación. Remarcó, al tiempu, qu’inclusive puede haber piragüismu ensin aníu navegable, d’ende la importancia de tener les conclusiones del estudiu.
Puntualizó, sicasí, que l’oxetivu irrenunciable” de la so Conceyalía ye la renaturalización y recuperación ambiental de los ríos Piles y Peña Francia. Por tanto, va ser prioridá énte la práctica del piragüismu, si que quiera dicir que s’arrenuncie a este.
Tocantes a plazos del contratu d’estudiu y proyectu d’execución d’obra d’esa renaturalización y recuperación ambiental, apuntó que se va treslladar a la CHC el pliegu de condiciones pa depués pasalo a contratación nunes dos selmanes pa sacar la convocatoria. Martín incidió na importancia de tener tou ‘atáu’ de cara a optar a los fondos europeos.
va faese, amás, un conveniu cola Universidá Politécnica de Madrid por que supervise el proyectu y execución de la obra en dambos ríos, Piles y Peña Francia.
En cuanto al borrador del pliegu de condiciones del estudiu, recueye, ente otres coses, la compatibilidá de la rehabilitación y/o renaturalización de los calces cola práctica de piragüismu nos cursos baxos de los ríu.
Nos criterios qu’informen sobre l’estudiu d’alternatives, recuéyese que, en siquier xuna d’elles, va estudiase la compatibilidá ambiental del usu de mecanismos de retención del agua pa practicar del piragüismu.