Noticia publicada por La Nueva España’l 17 de xunu de 2020
La incorporación al llistáu de proyectos d’un estudiu sobro la salobridá de les agües continentales y mariñes de Xixón ye la novedá nel remocicáu conveniu de collaboración ente’l Conceyu de Xixón y l’Universidá d’Uviéu al qu’ayeri dio lluz verde la Xunta de Gobiernu. El nuevu conveniu tien dos años de vixencia, l’actual y 2021, y supon xuna aportación añal dende les arques municipales de 549.000 euros en favor d’acciones nel campus local. Dende va décades el Conceyu tien un compromisu económicu cola Universidá que va más allá de la meyora de los espacios públicos de la redolada del campus.
El conveniu supon tamién caltener les cátedres Xixón Sostenibilidá, Media Lab y Xixón Smart Cities, dar ayudes de movilidá a estudiantes xixoneses por que vaigan d’Erasmus, financiar beques y premios, sofitar el programa universitariu pa mayores, garantizar recursos al arquivu d’hestoria oral y a los proyectos d’investigación del Xardín Botánicu y sofitar actividaes del Institutu Universitariu de Tecnoloxía Industrial d’Asturies (IUTA).