21 sep (EFE).-
El Conceyu de Xixón va cuntar a partir de xineru con una flota de vehículos cien per cien eléctrica que el trabayadores municipales van poder compartir cola ciudadanía y entidaes sociales, culturales o deportives.
El presupuestu base de llicitación del contratu de cuatro años xube a un millón d’euros colos que’l Conceyu va cuntar con 43 vehículos eléctricos disponibles.
La directora xeneral d’Innovación del Conceyu de Xixón, Patricia García, esplicó en rueda de prensa que se van a afaer les necesidaes y usos, una y bones el Consistoriu dio cuenta de que los coches del actual contratu utilizábense enforma de 7:45 a 15:30 hores, pero non n’otros momentos.
El futuru contratu, que sustitúi al actual de renting, va suponer el pagu d’una tarifa plana por kilómetru y va dexar que l’axudicataria reutilice la flota cuando nun tea n’usu per parte de trabayadores municipales.
Semestralmente va realizase una regularización d’hores y kilómetros y si nun se consume lo contratao podrá atropase n’una bolsa para cubrir los momentos nos qu’haya déficit o podrá destinase a entidaes culturales, deportives o del tercer sector. EFE 1011751.