El Conceyu de Xixón va empecipiar los llabores de roza de la Vía Verde. Por esti motivu, mientres se lleven a cabu los trabayos, va ser necesariu cerrar la sienda al públicu de 8.00 hores a 16.00 hores
Un equipu d’ocho persones va trabayar na zona con motodesbrozadoras, sopladores y dos segadores. El cronograma previstu ye’l siguiente:
-Martes 25 de mayu: Dende la área de La Camocha hasta l’encruz col Camín de La Quintana o encruz de Mareo (primer encruz pasando’l túnel).
-Miércoles 26 de mayu: Dende l’encruz col Camín de La Quintana hasta l’aparcamientu del polígonu de Roces (cai Louis Pasteur)
-Xueves 27 de mayu: Dende l’aparcamientu del Polígonu de Roces hasta’l final de la Vía Verde.
Esta actuación forma parte del contratu para’l serviciu de caltenimientu y obra de los espacios incluyíos dientro del Arcu Medioambiental axudicáu a la empresa Talher S.A.