XIXÓN, 19 Oct. (EUROPA PRESS) –
La Dirección Xeneral d’Igualdá del Conceyu de Xixón empecipió les actividaes del programa ‘Educar pa la Igualdá’, pol que mientres esti cursu académicu ufiertáronse 50 talleres d’orientación profesional empobinaos al alumnáu de quintu y sestu d’Educación Primaria de 12 centros educativos de la ciudá.
L’oxetivu d’esta iniciativa ye romper colos estereotipos y roles de xéneru a la de la elección d’estudios y oficios per parte del alumnáu, según una nota de prensa del Consistoriu xixonés.
L’Estudiu de diagnósticu de la situación de les muyeres de Xixón, realizáu nel marcu del programa de trabayu del Conseyu de Muyeres para ellaborar la próxima ‘Carta para la Igualdá de Muyeres y Homes’ del conceyu, señala una menor presencia de les muyeres en ciclos formativos de Formación Profesional de grau cimeru y en carreres técniques rellaciones coles distintes inxenieríes, industria y construcción.
N’ese sentíu, los talleres ufierten a los participantes una conocencia en fondura de los distintos oficios, de les posibilidaes formatives y de la so conexón col mercáu llaboral, por que d’esta miente puedan tomar decisiones académiques y/o escolares ensin sesgu de xéneru.