El Conceyu de Xixón va empecipiar el llunes, 20 de xunetu, una campaña de control para evitar que les bicicletes y los patinetes eléctricos circulen peles ceres de la ciudá.
Axentes de la Policía Local van desenvolver unu llabor informativu y de sensibilización mientres la primer selmana de campaña y, a partir del 27 de xunetu, van empezar a sancionar a quien transiten per espacios non dexaos. L’oxetivu ye favorecer la seguridá y la convivencia ente toles persones usuaries de la vía pública.
Nesi sentíu, les conceyalíes competentes en materia de movilidá y seguridá recuerden que la circulación de bicicletes y patinetes eléctricos per ceres, cais y zones piatonales nun ta dexada, siendo espacios esclusivos pa peatones, por tanto, tienen d’utilizar la calzada, les víes ciclistes acondicionaes -carriles y aceres bici- y otres zones señalizaes d’usu compartíu. Estes postreres tán espresamente señalizaes como zones compartíes, esto ye, la prioridá ye de el peatones y tanto bicicletes como patinetes eléctricos tienen d’amenorgar la velocidá y detenese y baxase del vehículu cuando sía precisu.
El Conceyu sigue d’esta miente promoviendo ente la ciudadanía actitúes proactivas de convivencia, respetu y prudencia a la de movese poles cais de la ciudá nos distintos medios de tresporte. La campaña Muévite pol ciclocarril y los conseyos recoyíos nel planu ciclista En bicicleta per Xixón/Xixón formen parte del trabayu empecipiáu pol Consistoriu nesta materia.