El Conceyu de Xixón, al traviés de la Conceyalía de Movilidá, peatonalizará la cai Covadonga nel tramu que trescurre dende la cai San Bernardo hasta la Plazuela San Miguel. Forma parte del corredor piatonal que tien como oxetivu conectar el paséu de Begoña col Paséu del Muriu de San Llorienzo y que va trescurrir al traviés de les cais Covadonga, Ruiz Gómez y Caridá.
Los trabayos para llevar a cabu esta iniciativa, consistentes nel allugamientu de señalización vertical, van realizase’l llunes pela nueche. D’esta miente, a partir del martes solo va dexase l’accesu a vaos, taxis y servicios municipales.
Quepe recordar que, en previsión d’esta peatonalización, amontóse en trés el númberu de zones de carga y descarga habilitaes na redolada.